Spørsmål og svar om varmepumper

Ein einebustad frå 1970-talet i Sunnfjord sparar typisk 6 000–9 000 kWh i året med luft-til-luft – om lag 6 000–9 000 kroner med ein straumpris på 1 krone. I nyare, godt isolerte hus blir talet lågare, fordi oppvarmingsbehovet er mindre. Sparekalkulatoren vår reknar ut ditt tal ut frå areal, byggjeår, klima og kva du fyrer med i dag.

Les heile svaret

Hos oss startar luft-til-luft på om lag kr 23 500 ferdig montert, og dei største modellane ligg rundt kr 47 500. Prisen du ser i nettbutikken er alltid pumpa pluss standard montering av vår eigen F-gass-sertifiserte montør – ingen tillegg for køyring innanfor 50 kilometer. Luft-til-vatn blir prisa etter befaring.

Les heile svaret

Standard montering av ei luft-til-luft-pumpe kostar kr 6 000 med éin innedel, og kr 9 500 for multisplit med to innedelar. Monteringa blir lagt automatisk til i handlekorga når du kjøper ei varmepumpe, fordi pumper med kuldemedium berre kan installerast av F-gass-sertifiserte føretak.

Les heile svaret

Ja, men innsparinga i kroner blir mindre enn med marknadspris. Norgespris gjev 50 øre/kWh på kraftdelen ut 2026; nettleige og avgifter kjem i tillegg, så totalprisen ligg rundt éi krone. Sparer du 9 000 kWh, er det framleis om lag 9 000 kroner i året – og pumpa held fram med å spare når ordninga tek slutt.

Les heile svaret

Luft-til-luft får inga støtte. Luft-til-vatn får 25 prosent av kostnaden, maksimalt kr 20 000. Væske-til-vatn, altså bergvarme, får 25 prosent opp til kr 40 000. Du må søkje og få tilsegn før arbeidet startar – vi hjelper deg med søknaden på befaringa.

Les heile svaret

Full service kostar frå kr 2 490 for éin innedel og éin utedel, og tek rundt ein time. To innedelar og éin utedel kostar kr 2 790, to av kvar kr 3 580. Prisane gjeld med atterhald om køyrelengd. Med serviceavtale ringjer vi deg automatisk annakvart år.

Les heile svaret

Eit byte kostar det same som ei ny pumpe ferdig montert, pluss demontering av den gamle. Vi tømmer kuldemediet forskriftsmessig gjennom Isovator-returordninga og tek med oss den gamle pumpa. Ei 12–15 år gammal pumpe brukar ofte 20–30 prosent meir straum enn ei ny, så bytet tener seg ofte inn på få år.

Les heile svaret

Har du vassboren varme – radiatorar eller vassboren golvvarme – er luft-til-vatn som regel rett, fordi ho tek både romvarme og varmtvatn og utløyser Enova-støtte. Har du panelomnar, er luft-til-luft det opplagde valet: lågare pris, kortare montering og god innsparing. Vi ser på anlegget på befaringa før vi tilrår noko.

Les heile svaret

Storleiken skal følgje effekten pumpa må levere på den kaldaste dagen, ikkje kvadratmeter åleine. Som tommelfingerregel: under 90 m² gjev 25-klassen, 90–150 m² gjev 35-klassen, og større eller open løysing over to plan gjev 50-klassen eller multisplit. Produktveljaren vår reknar det ut frå areal, byggjeår, planløysing og postnummer.

Les heile svaret

Veggmodellen er standard og gjev best spreiing i open løysing. Golvmodellen passar når du ikkje har ledig veggplass høgt oppe, når varmen skal ned mot golvet i eit rom med kald sokkel, eller under eit vindauge i eldre hus. Golvmodellar leverer som regel litt mindre effekt, så dei eignar seg best i mindre rom.

Les heile svaret

SCOP er årsvarmefaktoren: kor mange kilowattimar varme pumpa gjev per kilowattime straum gjennom ein heil fyringssesong. SCOP 5,0 betyr fem gonger att for straumen. Talet på energimerket gjeld eit standardisert klima, så vi reknar med ein reell årsvarmefaktor på 2,0–3,0 i norske bustader.

Les heile svaret

A+++ er den beste energiklassen i EU-merkinga for varmepumper, rekna ut frå SCOP i eit gitt klima. Klassen seier noko om effektiviteten, men ikkje kor mykje varme pumpa gjev når det er kaldt ute. Vi viser difor alltid kilowatt ved minus 15 grader ved sida av energiklassen.

Les heile svaret

Nordiske modellar er bygde for kaldt klima: utedelen har varmekabel i botnpanna, kraftigare avriming og ein kompressor som held effekten når temperaturen fell. Dei er fabrikktesta ned til minus 25 eller minus 30 grader. I Sunnfjord og Sogn tilrår vi alltid nordisk utedel – ei sørleg modell mistar for mykje effekt akkurat når du treng henne.

Les heile svaret

På hytta er vedlikehaldsvarme det viktigaste: pumpa skal halde huset frostfritt mellom besøka, ofte på 8–10 grader, og kome raskt opp i temperatur når du kjem. Vel ein nordisk modell med låg driftsgrense og wifi, så kan du skru på varmen frå mobilen dagen før. Storleiken kan vere mindre enn i ein bustad.

Les heile svaret

Innedelen bør henge høgt på ein yttervegg i det rommet du oppheld deg mest, med fri luftstraum ut i resten av bustaden. Unngå å blåse rett mot sofaen eller senga, og unngå trange krokar bak dører. Er huset oppdelt, betyr plasseringa meir enn storleiken – det er noko av det vi ser på under befaringa.

Les heile svaret

Utedelen skal stå fritt, på vegg eller bakkestativ, med god avstand til snø og drenering for smeltevatn. Ved kysten held vi han vekke frå den mest saltutsette sida. Tenk òg på naboen: støygrensa som blir lagd til grunn er 35 desibel ved nabosida om natta.

Les heile svaret

Ei vanleg luft-til-luft-montering tek fire til fem timar. Då er hol i trevegg, røyrstrekk, oppheng av inne- og utedel, test, igangkøyring og gjennomgang med deg inkludert. Vi ryddar etter oss. Multisplit og luft-til-vatn tek lengre tid, og blir avtalt særskilt.

Les heile svaret

Nei. Varmepumper inneheld fluorhaldige kuldemedium, og produktforskrifta kapittel 6a krev at dei blir installerte av F-gass-sertifiserte føretak. Vi kan difor heller ikkje selje pumper til eigenmontering. Blir pumpa montert av ein usertifisert, fell òg reklamasjonsretten bort.

Les heile svaret

Ja, til utedelen. Vi koplar inne- og utedel saman, men den elektriske tilkoplinga av utedelen og jordfeilbrytaren skal gjerast av autorisert elektrikar, og er ikkje med i standard montering. Har du ikkje elektrikar, hjelper vi deg å finne ein – helst same dag eller rett etter monteringa.

Les heile svaret

Innedelen ligg på 19–26 desibel i stillemodus, omtrent som ei kviskring. Utedelen støyar meir, særleg under avriming. Grensa som blir lagd til grunn i nabosaker er 35 desibel ved nabosida om natta, og det styrer kvar vi plasserer utedelen.

Les heile svaret

Ja. Ei varmepumpe arbeider mest effektivt når ho held jamn temperatur, og brukar meir straum på å varme opp att eit nedkjølt hus enn på å halde det varmt. Senk heller temperaturen eit par grader om natta enn å slå av. Unntaket er hytta, der vedlikehaldsvarme på 8–10 grader er rett.

Les heile svaret

Ja, nordiske modellar er fabrikktesta til minus 25 eller minus 30 grader og gjev varme heile vegen. Men effekten fell når det blir kaldare, og årsvarmefaktoren med han. På dei kaldaste dagane treng dei fleste hus litt tilleggsvarme frå ved eller panelomnar – det er normalt og innbakt i reknestykka våre.

Les heile svaret

Ja, og mange gjer det. Veden tek toppane på dei kaldaste dagane, pumpa tek den jamne varmen resten av året. Vel du å fyre mindre ved etter at pumpa er på plass, overtek ho den varmen med straum: du sparar vedkostnad, men mindre straum. Kalkulatoren vår reknar begge delar.

Les heile svaret

Vi tilrår full service annakvart år på luft-til-luft og kvart år på luft-til-vatn. Mellom servicane bør du vaske filtera i innedelen sjølv nokre gonger i året. Service held effekten oppe, senker straumforbruket og er ein føresetnad for garantien frå produsenten.

Les heile svaret

Rekn med 12–15 år med normal bruk og regelmessig service. Utedelen står ute i all slags vêr, så plassering og vedlikehald betyr mykje for levetida – særleg ved kysten, der salt luft tærer. Du har fem års reklamasjonsrett på pumpa når ho er montert av eit sertifisert føretak.

Les heile svaret