Framside / Spørsmål og svar / Kvar bør utedelen stå?
Spørsmål og svar · Plassering og montering
Utedelen skal stå fritt, på vegg eller bakkestativ, med god avstand til snø og drenering for smeltevatn. Ved kysten held vi han vekke frå den mest saltutsette sida. Tenk òg på naboen: støygrensa som blir lagd til grunn er 35 desibel ved nabosida om natta.
Utedelen skal stå så høgt at snøen ikkje pakkar seg mot han, og smeltevatnet frå avriminga må kunne renne vekk utan å lage ein isklump under. Eit bakkestativ eller ein veggbrakett med god høgd løyser det meste. Unngå plassar der vinden pressar snø rett inn i utedelen.
Nær sjøen tærer salt luft på lamellane. Vi plasserer utedelen på den sida av huset som ligg i le, og tilrår årleg service på adresser heilt ute ved sjøen. Les meir i guiden om kystklima.
Neste steg
Gratis befaring heime hos deg eller på video – fast pris ferdig montert.
Eller ring 57 62 40 20 · Mån–fre 08–16
Fleire spørsmål
Innedelen bør henge høgt på ein yttervegg i det rommet du oppheld deg mest, med fri luftstraum ut i resten av bustaden. Unngå å blåse rett mot sofaen eller senga, og unngå trange krokar bak dører. Er huset oppdelt, betyr plasseringa meir enn storleiken – det er noko av det vi ser på under befaringa.
Ei vanleg luft-til-luft-montering tek fire til fem timar. Då er hol i trevegg, røyrstrekk, oppheng av inne- og utedel, test, igangkøyring og gjennomgang med deg inkludert. Vi ryddar etter oss. Multisplit og luft-til-vatn tek lengre tid, og blir avtalt særskilt.
Nei. Varmepumper inneheld fluorhaldige kuldemedium, og produktforskrifta kapittel 6a krev at dei blir installerte av F-gass-sertifiserte føretak. Vi kan difor heller ikkje selje pumper til eigenmontering. Blir pumpa montert av ein usertifisert, fell òg reklamasjonsretten bort.
Ja, til utedelen. Vi koplar inne- og utedel saman, men den elektriske tilkoplinga av utedelen og jordfeilbrytaren skal gjerast av autorisert elektrikar, og er ikkje med i standard montering. Har du ikkje elektrikar, hjelper vi deg å finne ein – helst same dag eller rett etter monteringa.
Gratis og uforpliktande
Fast pris etter befaring. Faktura først når varmen er på.