Neste steg
Gratis og uforpliktande befaring
Heime hos deg eller på 15 minutt video. Fast pris ferdig montert same dag eller dagen etter.
Eller ring 57 62 40 20 · Mån–fre 08–16
Standard montering – dette får du, og dette kostar det
Standard montering av ei luft-til-luft varmepumpe kostar kr 6 000 og tek fire til fem timar. Ho er obligatorisk fordi varmepumper med kuldemedium berre kan installerast av F-gass-sertifiserte føretak, og blir lagt automatisk til når du bestiller ei varmepumpe i nettbutikken. Multisplit med to innedelar kostar kr 9 500.
Dette er inkludert i standard montering
- Inntil 3 meter røyrstrekk mellom inne- og utedel
- Drensslange for kondensvatn
- Plastkanalar som blir lagde over røyrstrekket
- Elektrisk tilkopling mellom inne- og utedel
- Veggbrakettar og vibrasjonsdemparar til utedelen
- Holtaking i trevegg
- Montering av innedelen på innsida av yttervegg
- Test, igangkøyring og gjennomgang med deg
- Køyring inntil 50 km tur-retur
Dette kjem i tillegg
- Elektrisk tilkopling av utedel og jordfeilbrytar – skal gjerast av elektrikar
- Boring gjennom Leca, lettmur eller kjerneboring i tyngre vegg
- Lift eller stillas ved montering over arbeidshøgd
- Køyring utover 50 km tur-retur
Slik gjer du deg klar
- Rydd plass ved veggen der innedelen skal henge, og der utedelen skal stå
- Avtal elektrikar til same dag eller rett etter
- Vi treng tilkomst til begge sider av veggen medan vi arbeider
- Set av fire til fem timar – vi ryddar etter oss
Varmepumpa blir levert og montert av vår F-gass-sertifiserte montør. Sal for eigenmontering er ikkje tillate (produktforskrifta kap. 6a).
Spørsmål og svar
Kvar skal innedelen plasserast?
Innedelen bør henge høgt på ein yttervegg i det rommet du oppheld deg mest, med fri luftstraum ut i resten av bustaden. Unngå å blåse rett mot sofaen eller senga, og unngå trange krokar bak dører. Er huset oppdelt, betyr plasseringa meir enn storleiken – det er noko av det vi ser på under befaringa.
Kvar bør utedelen stå?
Utedelen skal stå fritt, på vegg eller bakkestativ, med god avstand til snø og drenering for smeltevatn. Ved kysten held vi han vekke frå den mest saltutsette sida. Tenk òg på naboen: støygrensa som blir lagd til grunn er 35 desibel ved nabosida om natta.
Kor lang tid tek monteringa?
Ei vanleg luft-til-luft-montering tek fire til fem timar. Då er hol i trevegg, røyrstrekk, oppheng av inne- og utedel, test, igangkøyring og gjennomgang med deg inkludert. Vi ryddar etter oss. Multisplit og luft-til-vatn tek lengre tid, og blir avtalt særskilt.
Kan eg montere varmepumpa sjølv?
Nei. Varmepumper inneheld fluorhaldige kuldemedium, og produktforskrifta kapittel 6a krev at dei blir installerte av F-gass-sertifiserte føretak. Vi kan difor heller ikkje selje pumper til eigenmontering. Blir pumpa montert av ein usertifisert, fell òg reklamasjonsretten bort.
Treng eg elektrikar?
Ja, til utedelen. Vi koplar inne- og utedel saman, men den elektriske tilkoplinga av utedelen og jordfeilbrytaren skal gjerast av autorisert elektrikar, og er ikkje med i standard montering. Har du ikkje elektrikar, hjelper vi deg å finne ein – helst same dag eller rett etter monteringa.
Kor mykje støy lagar ei varmepumpe?
Innedelen ligg på 19–26 desibel i stillemodus, omtrent som ei kviskring. Utedelen støyar meir, særleg under avriming. Grensa som blir lagd til grunn i nabosaker er 35 desibel ved nabosida om natta, og det styrer kvar vi plasserer utedelen.
Gratis og uforpliktande
Vi kjem heim til deg – eller møtest på video i 15 minutt
Fast pris etter befaring. Faktura først når varmen er på.