Framside / Spørsmål og svar / Kor mykje støy lagar ei varmepumpe?
Spørsmål og svar · Plassering og montering
Innedelen ligg på 19–26 desibel i stillemodus, omtrent som ei kviskring. Utedelen støyar meir, særleg under avriming. Grensa som blir lagd til grunn i nabosaker er 35 desibel ved nabosida om natta, og det styrer kvar vi plasserer utedelen.
I stillemodus ligg dei stillaste innedelane på 19 desibel, dei fleste på 19–26. Det er lågare enn ei kviskring og lågare enn kjøleskapet på kjøkkenet. Lydnivået inne står på alle produktkorta våre, fordi det er det folk merkar mest.
Utedelen høyrest når han går for fullt og under avriming. Vi plasserer han vekk frå soverom og frå naboens uteplass, og på befaringa reknar vi på avstanden til nabogrensa. I ettertid kan du dempe lyden noko ved å køyre pumpa jamnare i staden for på maks.
Neste steg
Gratis befaring heime hos deg eller på video – fast pris ferdig montert.
Eller ring 57 62 40 20 · Mån–fre 08–16
Fleire spørsmål
Innedelen bør henge høgt på ein yttervegg i det rommet du oppheld deg mest, med fri luftstraum ut i resten av bustaden. Unngå å blåse rett mot sofaen eller senga, og unngå trange krokar bak dører. Er huset oppdelt, betyr plasseringa meir enn storleiken – det er noko av det vi ser på under befaringa.
Utedelen skal stå fritt, på vegg eller bakkestativ, med god avstand til snø og drenering for smeltevatn. Ved kysten held vi han vekke frå den mest saltutsette sida. Tenk òg på naboen: støygrensa som blir lagd til grunn er 35 desibel ved nabosida om natta.
Ei vanleg luft-til-luft-montering tek fire til fem timar. Då er hol i trevegg, røyrstrekk, oppheng av inne- og utedel, test, igangkøyring og gjennomgang med deg inkludert. Vi ryddar etter oss. Multisplit og luft-til-vatn tek lengre tid, og blir avtalt særskilt.
Nei. Varmepumper inneheld fluorhaldige kuldemedium, og produktforskrifta kapittel 6a krev at dei blir installerte av F-gass-sertifiserte føretak. Vi kan difor heller ikkje selje pumper til eigenmontering. Blir pumpa montert av ein usertifisert, fell òg reklamasjonsretten bort.
Gratis og uforpliktande
Fast pris etter befaring. Faktura først når varmen er på.